Plantun de Prouvènço

Pèr coumpara dos planto d'encò nostre

Agrostemma githago & Ornithogalum orthophyllum

Niello

Agrostemma githago

Caryophyllaceae

Àutri noum : Courouno-di-blad, Pebreto, Barbudo, Nialo, Aniello.

Noms en français : Nielle, Nielle des blés.

Descripcioun :
Erbo pulèu grando que trachis dins li blad e que fai de poulìdi flour roso.

Usanço :
Li grano de niello soun empouisounanto, ço que dounavo, à passa tèms (avans la criblo di gran), de farino qu'èron pas manjadisso (farino nielado). Pèr acò la nielo èro levado di champ avans o dóu tèms di meissoun : "Iéu me rapelle que me mandavo moun pèro, ère pichouno ! -Vai ciéucla un pau aquéu caire de blad -De que fau leva ? - De nielo", me disié ! O peréu : "Meissounavian l'espéuto à la fauciho, e levavian aquéli planto que i'avié dedins... La nielo fasié de grano negro" (G. Gabinel e J. Chapus in O. Madon, op. cit., p. 127).

Port : Grando erbo
Taio : 0,3 à 1 m
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Agrostemma
Famiho : Caryophyllaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Champ de cerealo

Liò : Champ - Meissoun
Estànci : Mesoumediterran à Mountagnard
Couroulougi : Pancaro entresigna
Ref. sc. : Agrostemma githago L., 1753

Aiassoun

Ornithogalum orthophyllum

Asparagaceae Hyacinthaceae

Autre noum : Cebihoun.

Nom en français : Ornithogale à feuilles dressées.

Descripcioun :
La nouvello classificacioun de Flora Gallica 2014, desseparo li flour-de-vounge-ouro de Prouvènço en 3 meno. Ornithogalum orthophyllum trachis dins li tepiero roucaiouso de nòsti colo. Se recounèis à sa cabosso que fai pas de veno (fotò).

Usanço :
Li flour-de-vounge-ouro soun de planto empouisounanto (alcalouïde) qu'an servi pèr la fabricacioun de la poutingo dóu mege Bach.

Port : Erbo
Taio : 5 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Ornithogalum
Famiho : Asparagaceae
Famiho classico : Hyacinthaceae

Ordre : Aspargales

Coulour de la flour : Blanco
Petalo : 6
Ø (o loungour) flour : 2 à 4 cm
Flourido : Printèms

Sòu : Ca (Si)
Autour basso e auto : 0 à 1200 m
Aparado : Noun
Mars à jun

Liò : Tepiero seco - Roucaio
Estànci : Termoumediterran à Mountagnard
Couroulougi : Eurimediterrano-Nord
Ref. sc. : Ornithogalum orthophyllum Ten., 1831

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Agrostemma githago & Ornithogalum orthophyllum

ges

Coumpara Niello emé uno autro planto

Coumpara Aiassoun emé uno autro planto